Caeli Deus sanctissime

From Liber Hymnarius
Jump to: navigation, search

Caeli Deus sanctissime (Gregorius Magnus?)

Meter: 8.8.8.8

Melody: d f g g f a g g

Latinam

Caeli Deus sanctíssime,

qui lúcidum centrum poli

candóre pingis ígneo

augens decóri lúmina,


Quarto die qui flámmeam

solis rotam constítuens,

lunae minístras órdini

vagos recúrsus síderum,


Ut nóctibus vel lúmini

diremptiónis términum,

primórdiis et ménsium

signum dares notíssimum:


Illúmina cor hóminum,

abstérge sordes méntium,

resólve culpae vínculum,

evérte moles críminum


Praesta, Pater piísime,

Patríque compar Unice,

cum Spíritu Paráclito

regnans per omne sǽculum. Amen.

English


Retrieved from "https://liberhymnarius.org/index.php?title=Caeli_Deus_sanctissime&oldid=1099"