Fortem virili

From Liber Hymnarius
Jump to: navigation, search

Fortem virili pectore (Silvius Antoniano)

Meter: 8.8.8.8

Melody: d f fe g fd e g f


Latinam

Fortem virili pectore

laudemus omnes feminam

quae sanctitatis gloria

ubique fulget inclita.


Haec sanct(o) amore saucia,

huius caduca saeculi

dum calcat, ad caelestia

iter peregit arduum.


Carnem domans ieiuniis,

dulcique mentem pabulo

orationis nutriens,

caeli potitur gaudiis.


Rex Christe virtus fortium,

qui magna solus efficis,

huius precatu quaesumus,

audi benignus supplices.


Iesu, tibi sit gloria,

qui nos beatae servulae

sperare das suffragia

et sempiterna praemia. Amen.


English