Quem terra, pontus

From Liber Hymnarius
Jump to: navigation, search

Quem terra, pontus (Venantius Fortunatus ?)

Meter: 8.8.8.8

Melody: g g f e d fag fg g

Latinam

Quem terra, pontus, ǽthera

colunt, adórant, prǽdicant

trinam regéntem máchinam,

claustrum Maríae báiulat


C(u)i luna, sol et ómnia

desérviunt per témpora,

perfúsa caeli grátia

gestant puéllae víscera.


Beáta mater múnere,

cuius, supérnus ártifex

mundum pugíllo cóntinens,

ventris sub arca clausus est.


Beáta caeli núntio,

fecúnda Sancto Spíritu,

desiderátus géntibus

cuius per alvum fusus est.


Iesu, tibi sit glória,

qui natus es de Vírgine,

cum Patr(e) et almo Spíritu,

in sempitérna sǽcula. Amen.

English