Rerum Deus fons

Latinam

Rerum, Deus, fons omnium,

qui, rebus actis omnibus,

totius orbis ambitum

censu replesti munerum,

Ac, mole tanta condita,

tandem quietem diceris

sumpsisse, dans laboribus

ut nos levemur gratius:

Concede nunc mortalibus

deflere vitae crimina,

instare iam virtutibus

et munerari prosperis,

Ut cum tremendi iudicis

horror supremus coeperit,

laetemur omnes invicem

pacis repleti munere.

Praesta, Pater piissime,

Patrique compar Unice,

cum Spiritu Paraclito

regnans per omne saeculum. Amen.

English