Virginis proles

From Liber Hymnarius
Revision as of 03:57, 7 July 2023 by Lukemohan (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

Virginis Proles opifexque Matris (saec. IX)

Meter: 11.11.11.5

Melody: a g a gf e

Latinam

Vírginis Proles opiféxque Matris

Virgo quem gessit peperítque Virgo,

vírginis festum cánimus tropǽum:

áccipe votum.


Haec tua virgo, dúplici beáta

sorte, dum gestit frágilem domáre

córporis sexum, dómuit cruéntum

córpore sǽclum.


Inde nec mortem nec amíca mortis

saeva pænárum génera pavéscens,

sánguine fuso méruit sacrátum

scándere caelum.


Huius obténtu, Deus alme, nostris

parce iam culpis, vítiis revúlsis,

quo tibi puri resónet per aevum

péctoris hymnus. Amen.

English


Retrieved from "https://liberhymnarius.org/index.php?title=Virginis_proles&oldid=1088"