Plasmator hominis

From Liber Hymnarius
Jump to: navigation, search

Plasmator hominis, Deus (Gregorius Magnus?)

Meter: 8.8.8.8

Melody: d f g g f a g g

Latinam

Plasmátor hóminis, Deus

qui, cuncta solus órdinans,

humum iubes prodúcere

reptántis et ferae genus


Qui magna rerum córpora,

dictu iubéntis vívida,

ut sérviant per órdinem

subdens dedísti hómini:


Repélle a servis tuis

quicquid per immundítiam

aut móribus se súggerit,

aut áctibus s(e) intérserit.


Da gaudiórum prǽmia,

da gratiárum múnera;

dissólve litis víncula,

astrínge pacis fǽdera.


Praesta, Pater piísime,

Patríque compar Unice,

cum Spíritu Paráclito

regnans per omne sǽculum. Amen.

English