Quae caritatis

From Liber Hymnarius
Jump to: navigation, search

Quae caritatis fulgidum (novus) Meter: 8.8.8.8

(vel: Ave, maris stella (in memoriis))

Melody: a aag ed g aC Cb ab b

Latinam

Quae caritátis fúlgidum

es astrum, Virgo, súperis,

spei nobis mortálibus

fons vivax es et prófluus.


Sic vales, celsa Dómina,

in Nati cor piíssimi,

ut qui fidénter póstulat,

per te securus ímpetret.


Opem tua benígnitas

non solum fert poscéntibus,

sed et libénter sǽpius

precántum vota prǽvenit.


In te misericórdia,

in te magnificéntia;

tu bonitátis cúmulas

quicquid creáta póssident.


Patri sit et Paráclito

tuóque Nato glória,

qui veste te mirábili

circumdedérunt grátiae. Amen.

English