Mole gravati

From Liber Hymnarius
Revision as of 20:34, 21 August 2025 by Lukemohan (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

Mole gravati criminum (saec. XII)

Meter: 8.8.8.8

Melody: a aag ed g aC Cb ab b

LH p. 422

Latinam

Mole gravati criminum

ad te, regina caelitum,

confugientes, poscimus

nostris ut adsis precipus.


Aeternae vitae ianua,

aurem nobis accommoda,

per quam spes vitae rediit,

quam Eva peccans abstulit.


Tu princeps, mater Principis,

vitam deposce famulis,

et paenitendi spatia

nobis indulgens impetra.


Orante te, sanctissima,

sanctorum orant agmina;

tuis, regina, precibus

concilietur Dominus.


Regnatrix mater omnium,

vota comple fidelium,

ac vitam nos post fragilem

ad veram perduc requiem.


Sit laus Patri cum Filio

et Spiritu Paraclito,

qui te prae cunctis caelica

exornaverunt gloria. Amen.


English


Retrieved from "https://liberhymnarius.org/index.php?title=Mole_gravati&oldid=1115"