O sempiternae curiae

From Liber Hymnarius
Revision as of 15:59, 3 July 2023 by Lukemohan (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

O sempiternae curiae (novus)

Meter: 8.8.8.8

Melody: e e ed g ga C C ba

Latinam

O sempitérnae cúriae

regis suprémi príncipes,

quos ipse Iesus édocens

donávit orb(i) Apóstolos,


Supérna vos Ierúsalem,

lucérna cuius Agnus est,

gemmas micántes póssidet,

praeclára vos fundámina.


Vos et celébrat grátulans

nunc sponsa Christ(i) Ecclésia,

quam sermo vester éxciit,

quam consecrástis sánguine.


Cadéntibus cum sǽculis

iudex Redémptor séderit,

qua laude vos sedébitis,

senátus altae glóriae!


Nos ergo vestra iúgiter

prex adiuvándo róboret,

fudístis ut quae sémina

in grana caeli flóreant.


Aetérna Christo glória,

qui fecit esse núntios

vos Patris, atque Spíritus

replévit almo númine. Amen.

English


Retrieved from "https://liberhymnarius.org/index.php?title=O_sempiternae_curiae&oldid=1055"