Qui vivis ante

From Liber Hymnarius
Revision as of 18:04, 4 July 2023 by Lukemohan (talk | contribs)
Jump to: navigation, search

Qui vivis ante saecula (novus)

Meter: 8.8.8.8

Melody: c d ef e dc d e d

Latinam

Qui vivis ante sǽcula

vitǽque fons es únicus,

nos Deus, mort(i) obnóxios

culpǽque reos áspice.


Peccánti, Pater, hómini

poenam sanxíst(i) intéritum,

ut, pulvis datus púlveri,

se súbderet piáculum.


Vitále sed spiráculum

quod indidísti próvidus,

aeternitátis pérmanet

germen immarcescíbile.


Haec spes, hoc est solácium:

revirescémus, Dómine,

primúsque resurgéntium

ad te nos Christus rápiet.

(Pro uno defuncto) Hoc vitae regno pérfrui

defúnctum praesta fámulum,

quem Christi fides ímbuit,

quem almus unxit Spíritus.

(Pro una defuncta) Hoc vitae regno pérfrui

defúnctam praesta fámulam,

quam Christi fides ímbuit,

quam almus unxit Spíritus.

(Pro pluribus) Hoc vitae regno pérfrui

da fratres in te mórtuos,

quos Christi fides ímbuit,

quos almus unxit Spíritus.


Hoc regnum nobis própera

e terris cum cessérimus,

ut concinámus ómnium

te finem, te princípium. Amen.

English


Retrieved from "https://liberhymnarius.org/index.php?title=Qui_vivis_ante&oldid=1058"