Auctor beate

Auctor beate saeculi (Philippus Bruni)

Latinam Auctor beáte sǽculi, Christe, Redémptor ómnium, lumen Patris de lúmine Deúsque verus de Deo: Amor coégit te tuus mortále corpus súmere, ut, novus Adam, rédderes quod vetus ill(e) abstúlerat: Ill(e) amor, almus ártifex terræ marísqu(e) et síderum, erráta patrum míserans et nostra rumpens víncula. Non corde discédat tuo vis ill(a) amóris íncliti: hoc fonte gentes háuriant remissiónis grátiam. Ad hoc acérbam lánceam passúmqu(e) ad hoc est vúlnera, ut nos laváret sórdibus unda fluént(e) et sanguine. Iesu, tibi sit glória, qui corde fundis grátiam, cum Patr(e) et almo Spíritu in sempitérna sǽcula. Amen.	English

Navigation menu