Maria, quae mortalium

From Liber Hymnarius
Revision as of 01:39, 5 July 2023 by Lukemohan (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

Maria, quae mortalium (saec. XIX?)

Meter: 8.8.8.8

Melody: a aag ed g aC Cb ab b

Latinam

María quae mortálium

preces amánter éxcipis,

rogámus ecce súpplices,

nobis adésto pérpetim.


Adésto, si nos críminum

caténa stringit hórrida;

cito resólve cómpedes

quae corda culpis ílligant.


Succúrre, si nos sǽculi

fallax imágo péllicit,

ne mens salútis trámitem,

oblíta caeli, déserat.


Succúre, si vel córpori

advérsa sors impéndeat;

fac sint quiéta témpora,

aetérnitas dum lúceat.


Tuis et esto fíliis

tutéla mortis témpore,

ut, te iuvánte, cónsequi

perénne detur prǽmium.


Patri sit et Paráclito

tuóque Nato glória,

qui veste te mirábili

circumdedérunt grátiae. Amen.

English


Retrieved from "https://liberhymnarius.org/index.php?title=Maria,_quae_mortalium&oldid=1070"