O castitatis signifer

From Liber Hymnarius
Revision as of 15:39, 6 July 2023 by Lukemohan (talk | contribs) (Created page with "O castitatis signifer Meter: 8.8.8.8 Melody: f f ga a ag g gf f File:None H.I, p. 284 Category:8.8.8.8 Ca...")
(diff) ← Older revision | Latest revision (diff) | Newer revision → (diff)
Jump to: navigation, search

O castitatis signifer

Meter: 8.8.8.8

Melody: f f ga a ag g gf f

File:None H.I, p. 284

Latinam

O castitátis sígnifer

et fortitúdo mártyrum,

utrísque reddens prǽmia,

audi benígnus súpplices.


Haec virgo magni péctoris,

beáta sorte dúplici

bináque palma nóbilis,

hic tóllitur praecóniis.


Haec te fatéri pértinax,

tortóris acre bráchium

armávit in se strénue

tibíque fudit spíritum.


Sic saeviéntis vúlnera

et blandiéntis víncere

mundi docens illécebram,

fidem docet nos íntegram.


Huius favóre débita

nobis remíttas ómnia,

foménta tollens críminum

tuámque subdens grátiam.


Iesu, tibi sit glória,

qui natus es de Vírgine,

cum Patr(e) et almo Spíritu,

in sempitérna sǽcula. Amen.

English

Retrieved from "https://liberhymnarius.org/index.php?title=O_castitatis_signifer&oldid=1084"