Christe cunctorum sator

From Liber Hymnarius
Revision as of 00:32, 18 November 2023 by Lukemohan (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

Christe cunctorum sator (saec. XV?)

Meter: 11.11.11.5

Melody: a D C D F

Latinam

Christe, cunctorum sator et redemptor,

siderum, terrae, maris atque rector

omnium laudes tibi personantum,

solve reatum,


Vase qui gemmas fragili recondis,

viribus fluxas animo pudicas

feminas reddens faciensque claros

ferre triumphos.


Quas et in sensu teneras videmus,

praerogativa meriti coronas,

incolas regni facis et perennes

esse superni.


Sit Patri summo decus atque virtus,

laus tibi Nato celebrisque cultus,

Flamini Sancto parilis potestas

nunc et in aevum. Amen.

English

Retrieved from "https://liberhymnarius.org/index.php?title=Christe_cunctorum_sator&oldid=1095"