O quam glorifica

From Liber Hymnarius
Revision as of 20:30, 21 August 2025 by Lukemohan (talk | contribs)
Jump to: navigation, search

O quam glorifica luce coruscas (saec. IX)

Meter: 11.11.11.11

Melody: d c df fe de d

LH p. 420

Latinam

O quam glorificata luce coruscas,

stirpis Davidicae regia proles,

sublimis residens, virgo Maria,

supra caeligenas aetheris omnes.


Tu, cum virgineo mater honore,

caelorum Domino pectoris aulam

sacris visceribus casta parasti;

natus hinc Deus est corpore Christus:


Quem cunctus venerans orbis adorat,

c(u)i nunc rite genu flectitur omne,

a quo te petimus subveniente

abiectis tenebris gaudia lucis.


Hoc largire, Pater luminis omnis,

Natum per proprium, Flamine Sancto,

qui tecum nitida vivit in aethra

regnans ac moderans saecula cuncta. Amen.

English


Retrieved from "https://liberhymnarius.org/index.php?title=O_quam_glorifica&oldid=1114"