Fulget in caelis

From Liber Hymnarius
Revision as of 17:27, 28 August 2025 by Lukemohan (talk | contribs)
(diff) ← Older revision | Latest revision (diff) | Newer revision → (diff)
Jump to: navigation, search

Fulget in caelis celebris sacerdos (Eckbertus schonaugiensis, saec. XII)

Meter: 11.11.11.5

Melody: a g a gf dc g g f g a a

Latinam

Fulget in caelis celebris sacerdos

stella doctorum rutilat corusca,

lumen intactum fidei per orbis

climata spargens.


Cive tam claro, Sion o superna,

laeta dic laudes Domino solutis,

qui modis miris sibi vinxit ipsum

lumine complens.


Hic fidem sacram vigil usque firmat,

arm(a) et errorum subigit potenter,

sordidos mores lavat et repellit

dogmate claro.


Qui, gregis Christi speculator almus,

enites clero monachisque forma,

tu Dei nobis faciem benignam

fac prece semper.


Laus, honor, virtus Triadi beatae,

cuius in terris studuist(i) amanter

alta scrutari nitidaqu(e) in astris

luce potiris. Amen.

English


Retrieved from "https://liberhymnarius.org/index.php?title=Fulget_in_caelis&oldid=1117"