Praeclara qua tu

Praeclara qua tu gloria

Meter: 8.8.8.8

Melody:

Liber Hymnarius p. 440

Latinam Praeclara qua tu gloria, Levi beate, cingeris, laus est Dei clementiae, spes nostr(a) ad indulgentiam. Teloneo quand(o) assidens nummis inaeres anxius, Matthaee, Christus advocans opes tibi quas praeparat! Iam cordis ardens impetu curris, Magistrum suscipis, sermone factus inclito princeps in urbe caelica. Tu verba vitae colligens Davidque facta Filii, per scripta linquis aurea caeleste mundo pabulum. Christum per orbem nuntians confessus atque sanguine, dilectionis vividae suprem(o) honoras pignore. O martyr atqu(e) apostole, evangelista nobilis, tecum fac omn(e) in saeculum Christo canamus gloriam. Amen.

English