Christe cunctorum dominator

Latinam Christe, cunctórum dóminator alme, plebs tibi supplex résonat in aula, ánnuo cuius rédeunt colénda témpore festa. Hic locus nempe vocitátur aula regis imménsi nitidíque caeli porta, quae vitae pátriam peténtes áccipit omnes. Haec tuam plebem sacra cogit aedes, haec sacraméntis pia ditat usque caelicis escis alit in perénnis múnera vitae. Quǽsumus ergo, Deus ut seréno ádnuas vultu fámulos gubérnans, qui tui summo célebrant amóre gáudia templi. Æqua laus summum célebret Paréntem teque, Salvátor, pie rex, per aevum; Spíritus Sancti résonet per omnem glória mundum. Amen.

English